Në pistën e Semmering, në Austri, u zhvillua sot gara e sllallomit gjigand për femra, e vlefshme për Kupën e Botës për femra në ski, ku mori pjesë edhe skiatorja shqiptare Lara Colturi.
Ajo e mbylli garën në vendin e 11-të, duke dhënë kohën e përgjithshme 2’05”28 pas dy zbritjeve. Një paraqitje në përgjithësi pozitive e Colțuri, që është gjithnjë mes skiatoreve më të mira.
Pas zbritjes së parë, Colturi u klasifikua në vendin e tetë mes 69 garueseve që ishin në start, duke dhënë kohën 1’03”34 dhe u kualifikua pa probleme për në raundin tjetër.
Në zbritjen e dytë, ku ishin 30 skiatoret më të mira, koha e skiatores shqiptare është 1’01”94, teksa në portat e fundit bën një gabim dhe humbet terren. Për pasojë, Colturi del nga “top-10”.
Pavarësisht kasaj, 18-vjecarja Colturi vijon të bëjë paraqitje të mira në garat e Kupës së Botës për femra në ski, duke grumbulluar pikë të rëndësishme.
