Fermin Lopez është një nga talentet e rinj të skuadrës së Barcelonës që po shkëlqen këtë sezon nën drejtimin e trajnerit Hansi Flick. “Gjithmonë përpiqem të bëj më të mirën time, pasi e di se konkurrenca në një klub të madh si Barcelona është një gjë e mirë”, tha 21-vjeçari spanjoll.

“Ky është një ekip që ka lojtarë shumë të rinj, por ne jemi të bashkuar dhe ndihmojmë njëri-tjetrin. Kjo reflektohet në fushë. La Masia është shumë e rëndësishme për Barcelonën. Ne kemi sektorin më të mirë të të rinjve në botë dhe kur ngjitemi në ekipin e parë ne janë në gjendje të ndihmojnë me gjithçka që nevojitet”, tha Lopez.

Më tej, Fermin Lopez foli për marrëdhënien me trajnerin Hansi Flick: “Trajneri na jep besim dhe siguri kur bëhet fjalë për të luajtur. Mund ta shihni në fushë me rezultatet e shkëlqyera që po arrijmë. Këtë gjë presim edhe në ndeshjen që do të luajmë sot në Champions në Beograd”.

“Sot kemi një ndeshje shumë të rëndësishme, por kemi një entuziazëm të madh për të sjellë në shtëpi 3 pikët. Jemi në një moment shumë të mirë. E ardhmja ime? Shpresoj të kem shumë vite të tjera në Barça dhe të jem në gjendje të kthej besimin që më kanë dhënë duke rinovuar”, tha Fermin Lopez.