Pasi zuri vendin e parë në grupet e Euro 2024, kombëtarja e Gjermanisë përgatitet për ndeshjen e radhës, atë ndaj Danimarkës. Mbrojtësi i Real Madrid dhe Gjermanisë, Antonio Rüdiger është duke u rikuperuar pasi pësoi një tendosje të muskujve të kofshës gjatë ndeshjes 1-1 kundër Zvicrës.
Dje, siç raporton gazeta “AS”, ai është rikthyer për të kryer disa ushtrime por veçmas nga pjesa tjetër e ekipit. Ndonëse nuk është ende gati të stërvitet plotësisht me shokët e skuadrës, Rüdiger po punon shumë për t’u rikuperuar sa më shpejt dhe për t’u rikthyer në fushë ndoshta që kundër Danimarkës.
Gjithsesi, duke parë se rivali nuk është shumë i fortë, të paktën në letër, ka gjasa që trajneri Nagelsmann ta lërë lojtarin në stol, për ta aktivizuar në sfidat e radhës. Kjo, si një masa paraprake për të mos thelluar dëmtimin. Gjithsesi, situata do të monitorohet dhe do të vendoset pak para sfidës.
