Frank Lampard korri fitoren e parë si trajneri i Chelsea në fushën e tij këtë sezon. Skuadra e “blues” mundi 2-0 Brighton. “Kishim nevojë për këtë fitore. Kjo ka qenë ndeshja jonë më e mirë, pasi për 90 minuta e kontrolluam ndeshjen. Kjo s’na kishte ndodhur më parë. Zhgënjimi i vetëm është se nuk arritëm të shënojmë më shumë gola”, tha Lampard.
Më tej, trajneri i Chelsea tha: “Nuk pësuam gol dhe ky është një lajm pozitiv. Është e rëndësishme për të gjithë kurr arrin fitore të tilla. Nuk patëm shumë fat në pjesën e parë, pasi mund të kishim shënuar më shumë. Gjithsesi, të rinjtë po përparojnë mirë nga ndeshja në ndeshje. Për sa kohë që luajnë do të rritem edhe më shumë”.