Chelsea, pas blerjeve të bujshme të bërë në merkaton e verës, ndodhet në ujëra të turbullta në Premier League dhe mund të vendosë për shkarkimin e Frank Lampard.
Një nga emrat që kanë filluar të qarkullojnë është edhe ai i Massimiliano Allegri-t, por që nuk mund të ulet në stolin e klubit londinez. Dhe gjithçka për fajin e Mourinho-s.
Sipas ish-lojtarit të Chelsea-t, Craig Burley, ish-trajneri i Juventus nuk do të merret në konsideratë për shkak të ngjashmërisë së madhe taktike me Jose Mourinho-n.
“Allegri njihet për pragmatizmin e tij. Nuk ka asgjë të keqe, por Abramovich ka kërkuar gjithmonë diçka tjetër. Jose Mourinho i ka ardhur në majë të hundës”, ka thënë Burley për ESPN.