Leao ka ndezur motorët, në grumbullimin amerikan në New Jersey, në funksion të sezonit të ardhshëm dhe në një intervistë ekskluzive për Gazzetta dello Sport ai zbuloi se së shpejti do të bëhet baba:

“Së shpejti do të bëhem baba i binjakëve. Ata duhet të lindin në nëntor. Jam i sigurt se do të jetë një eksperiencë shumë e bukur, më pëlqejnë fëmijët. Le të themi se kam edhe një arsye tjetër për të vlerësuar familjen time dhe për të vazhduar të punoj për ta”.

Sulmuesi portugez ka zbuluar edhe emrat e fëmijëve të tij: “Ata do të quhen Rodrigo dhe Thiago”.

Leao foli edhe për formën e tij dhe objektivat për sezonin e ardhshëm:

“Unë kurrë nuk bëj stërvitje të mërzitshme, përpiqem t’i përdor ato për të bërë atë që më pëlqen. Isha me trajnerin tim personal, bëja gjuajtje, goditje me kokë. Dua të shënoj më shumë gola, do të përpiqem të bëj të dyja gjërat, fintet dhe golat”.

Leao foli edhe për marrëdhënien e tij me Ibrahimovic:

“Kur luanim miqësia ishte ndryshe, e kisha gjithmonë pranë. Tani, nëse më duhet, e di që mund ta telefonoj në çdo kohë. Ai është një nga njerëzit që mund të më çojë në një nivel tjetër. Ai më flet për mentalitetin, thotë se duhet të jem më i keq në fushë”.