Skuadra e Lakers nuk ndal rrugëtimin e saj në Konferencën e Lindjes, duke ruajtur kreun edhe pas fitores 122-114 ndaj New Orleans. Sfidë ku herë udhëhiqte njëri ekip e herë tjetri, por në minutat e fundit miqtë nga Kalifornia u shkëputën. LeBron James realizoi një “triple double”, me 34 pikë, 12 rebound e 13 asist, mbështetur nga Kuzma me 20 pikë (Davis ishte pushim). Në kahun tjetër u dallua Williamson me 35 pikë, por që mbetën për statistikë.
Fiton edhe skuadra tjetër e Los Anxhelosit, ajo e Clippers, që mundi 136-130 Philadelphia, sfidë vendosur në periodën e fundit për vendasit. Leonard realizoi 30 pikë, ndërsa tri lojtarë e mbyllën me nga 24 pikë: George, Harrell e L.Williams. Skuadra e Denver fitoi 133-118 ndaj Toronto, dy ekipe pretendente në Konferencat përkatëse. Denver e dominoi ndeshjen, me Jokic protagonist me një “triple double” (23 pikë, 18 rebound e 11 asist).
Renditjen e përgjithshme të NBA-së e kryeson Milwaukee, që sot fitoi 93-85 ndaj Charlotte, sfidë me rivalitet shumicën e kohës. Ndeshje e mirë e Antetokounmpo, që realizoi 41 pikë e 20 rebound. Dallas, falë 38 pikë e 13 rebound të Porzingis, mundi 111-91 Minnesota, ndërsa Washington triumfoi 124-110 ndaj Golden State, me Beal autor të 34 pikëve.
NBA – Rezultatet e sotme
Charlotte – Milwaukee, 85-93
Minnesota – Dallas, 91-111
Clippers – Philadelphia, 136-130
Denver – Toronto, 133-118
Sacramento – Detroit, 106-100
New Orleans – Lakers, 114-122
Golden State – Washington, 110-124