Leipzig ka marrë një fitore të thellë 5-0 në transfertë kundër Mainz, në javën e 27-të të Bundesligas.
Një sukses që e ka lejuar skuadrën e Red Bulli-t të rimarrë vendin e tretë të renditjes, ku ishte ngjitur përkohësisht Leverkusen.
Heroi i ndeshjes ka qenë Timo Werner, autor i tre golave. Poulsen dhe Sabitzer kanë shënuar dy golat e tjerë për ekipin e Nagelsmann.
Leipzig ka realizuar 68 gola në këtë sezon të Bundesligas, duke thyer rekordin e klubit të vendosur në sezonin 2016-17 me 66 gola në 27 javë.
Me tri pikët e sotme, Leipzig ka shkuar në 54 pikë, tri më pak se Dortmund-i vendit të dytë dhe shtatë më pak se Bayern-i kryesues.