Robert Lewandowski, sulmuesi i Barcelonës, dha një intervistë të gjatë për për të festuar 50 golat e tij me fanellën “blaugrana”: “Më bën shumë krenar të shënoj kaq shumë gola për një klub si Barcelona në një vit e gjysmë. Kur mendoj për golat dhe në kohën që kam kaluar këtu ndihem, shumë krenar për këtë klub. Secili prej këtyre golave ka një domethënie të veçantë për mua dhe është privilegj të shënosh gola për Barçën”.
Më tej, sulmueis polak vazhdon: “Më duhet të them se kurrë nuk kam menduar se sa gola do të shënoj. Por, nëse i shihni këto shifra, ëoë. Janë 50 gola për Barçën në një vit. Mund të jetë gjithmonë më mirë, por këto shifra tashmë janë shumë të mira. Natyrisht, mendoj të jem në gjendje të shënoj gjithnjë e më shumë, por kur shikoj prapa, mund të ndihem krenar”.
50 gola në 79 ndeshje për Lewandowski, i cili e kaloi Villa: “Është e veçantë, sepse kur shoh emra të tjerë që arritën ato shifra si Thierry Henry apo David, të cilët ishin të jashtëzakonshëm dhe ndër më të mirët në histori… Të jesh në të njëjtin nivel ose të shënosh më shumë gola se ata është e pabesueshme. Ky ishte vendi ku doja të isha, idhujt që kisha kur isha i ri. Ishte diçka që e ëndërroja si fëmijë dhe tani është një realitet këtij niveli”.
Fjalë të bukura për Barcelonën nga Lewandowski: “Do të thotë shumë të jesh lojtar i Barçës, ndonjëherë është e vështirë të gjesh fjalën e saktë, por është krenari, lumturi. Është e veçantë të jesh këtu dhe të jesh ky lloj sulmuesi i klubit për historinë e tij. Njerëzit flasin për këtë klub se është klubi më i madh në botë dhe të qenit pjesë e tij më bën më të mirë, më jep më shumë energji për të punuar shumë dhe për të bërë diçka të veçantë”.
Leëandoëski është i bindur se mund të përshtatet me çdo stil loje për të gjetur mënyra për të shënuar më lehtë: “Mendoj se nuk varet nga unë sepse jam një sulmues që mund të luaj në të gjitha formacionet. Mund të luaj në kundërsulm, nuk ka probleme të luaj me posedimin e topit… Është më e rëndësishme se si do të luajë skuadra, nuk ka të bëjë me ADN-në e Barcelonës. Tani në futboll duhet të përshtatesh me lojën, me kundërshtarin dhe të gjesh zgjidhjen më të mirë si mundem unë”.
“Gjithmonë mundohem të gjej zgjidhjen më të thjeshtë dhe mënyrën më të shpejtë për të shënuar gola. Kam vite që punoj shumë, tani mund të them që 20% e suksesit tënd i takon talentit apo instinktit tënd. Unë mund ta bëj veten më të mirë, ju nuk do të jeni kurrë lojtari i përsosur sado që punoj, por prapë kam ndjenjën se dua të punoj shumë dhe dua të jem më i mirë. Nëse keni pasion, dashuri për këtë sport, dëshirë për t’u zgjuar për t’u stërvitur dhe për të fituar për këtë klub, jeni në rrugën e duhur. Ndihem sikur e kam ende këtë pasion që kisha vite më parë”, tha polaku.
