Viti 2020 nuk ka nisur mirë për skuadrën e Vllaznisë në basketboll për meshkuj. Skuadra shkodrane u mund 91-87 nga Peja, në ndeshjen e vlefshme për Ligën Ballkanike, luajtur në pallatin e sportit “Qazim Dervishi” të Shkodrës.
Kjo është humbja e tretë radhazi për Vllazninë në këtë turne, e pesta në total (ka vetëm një fitore), duke zbritur ekipin e trajnerit Darko Vujacic në vendin e fundit.
Ndeshja ka qenë në përgjithësi e ekuilibruar, me miqtë nga Kosova që kanë patur një epërsi të lehtë gjatë gjithë kohës. Vllaznia tentoi deri në fund të përmbysë shifrat, por pa sukses.
Ndeshja e radhës e Vllaznisë më 23 janar, ndaj kosovarëve të Rahoveci.
Vllaznia – Peja, 87-91 (20-19, 24-30, 20-20, 23-22)
