Liverpool përgatitet për një periudhë të vështirë, me disa përballje delikate si në kampionat ashtu dhe në Europë. Pas ndeshjes me Southampton këtë fundjavë, “reds” do të luajnë naj Real Madrid në Champions League dhe Manchester City në Premier League.

“Do të jetë e vështirë por jemi gati për cdo sfidë. Ajo që ka rëndësi është që të gjithë lojtarët të jenë gati. Për fat të keq, Allison dhe Jota nuk janë ende gati, ndërsa Trent është rikthyer dhe mund të luajë”, u shpreh Slot.

Ai tha se ekipi duhet të ketë kujdes nga kjo sfidë e parë pas pushimit prej kombëtareve: “Ndikimi më i madh është plani ynë i lojës, intensiteti ynë, plani i lojës së kundërshtarit. Gjithçka tjetër janë detaje më të vogla”.

“Nëse duhet të fitosh trofe duhet të përballesh dhe fitosh ndaj të gjithëve. Nuk nënvlerësojmë asnjë kundërshtar, as Southampton dhe as Real e City. Çdo ndeshje vlen tri pikt pavarësisht se ndaj kujt luan, ndaj duhet impenjim maksimal dhe kujdes”, tha Slot.