Manchester United duket i vendosur t’ia plotësojë kërkesat financiare dhe ta rinovojë kontratën me David de Gean. Klubi nga “Old Trafford” ka përdorur mundësinë që kishte, për ta rinovuar kontratën e tij në mënyrë të njëanshme edhe për një vit tjetër, deri më 2020. Njëkohësisht United po vazhdon të punojë për rinovimin afatgjatë të portierit spanjoll.

Siç raportohet nga tabloidi britanik "The Sun", Manchester United është i gatshëm t'i ofrojë De Geas një pagë të jashtëzakonshme që, duke përfshirë edhe bonuset, do të arrinte në kuotën e 400.000 paundëve në javë (më shumë se 23 milionë euro në sezon).

Kjo shumë do ta bënte De Gea-n jo vetëm portierin më të paguar në botë, por edhe lojtarin më të paguar në Premier League. Në rast rinovimi, spanjolli do të bashkohej me Alexis Sanchez, mes lojtarëve me pagat më të larta në “Old Trafford”.

PSG është në ndjekje të De Gea-s dhe ishte gati të oferonte 60 milionë paundë gjatë verës. Gjigandët e Ligue 1 ishin gati ta prisnin edhe një vit të mëtejshëm, për ta marrë spanjollin si zëvendësues për veteranin Gianluigi Buffon, 40 vjeç.

Trajneri Jose Mourinho këmbënguli kohët e fundit se De Gea dëshiron të qëndrojë. Ata të dy kanë të njëjtin agjent, portugezin Jorge Mendes. Mourinho tha: "Nëse dëshirojmë të jemi Manchester United, ne kemi nevojë për lojtarët më të mirë në botë. Ne tashmë kemi portierin më të mirë në botë, duhet ta mbajmë".

Numrat e De Gea me Manchester United, në Premier League

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.