Nuk ka asnjë lajm të mirë për Milanin nën titullin e lëndimeve. Gjatë pjesës së parë të ndeshjes kundër Empolit, e vlefshme për javën e tetë të Serie A, të dy, Alexis Saelemaekers dhe Davide Calabria u detyruan të largoheshin nga fusha pas një problemi të dyfishtë muskulor, që i dha fund ndeshjes së tyre para kohe.
Në të 32′, në fakt, anësori belg, protagonist në disa situata, në të cilat iu afrua avantazhit, u rrëzua nga dhimbjet, duke tërhequr vëmendjen e pankinës për të kërkuar zëvendësimin. Për të duket një ndrydhje gjuri, shkalla e së cilës do të vlerësohet në orët në vijim.
Pioli vrapoi menjëherë për t’u mbrojtur duke futur Rade Kruniç, por pas vetëm tetë minutash problemi u rikthye. Calabria, i cili sapo ishte rikuperuar nga lëndimi i fundit, u ndalua përsëri për shkak të një problemi me përkulësit e kofshës së djathtë.
Morali i historisë? Ndeshja përfundoi edhe për lojtarin e datëlindjes 1996, i nxjerrë nga fusha me barelë dhe zëvendësuar nga Kalulu.
Në segmentin e fundit të pjesës së dytë, Kjaer ngriti po ashtu “flamurin e bardhë”, jo në maksimumin e tij për disa minuta për shkak të problemeve me kofshën. Danezi u zëvendësua nga Dest. Pra, emergjencë totale.
Pas ndeshjes, Stefano Pioli para mikrofonave të DAZN, ku shfaqi një shqetësim veçanërisht për problemin e Calabria: “Calabria dhe Kjaer janë lëndime për t’u vlerësuar, mendoj se ai i Davide është mjaft serioz. Saelemaekers duket si një ndrydhje e ligamentit kolateral, por le të shohim. Ky ekip më emocionon gjithmonë”.
