Mëngjesi i sotëm i botës së futbollit u shenjua nga lajmi i lamtumirës së afërt prej Romës e Daniele De Rossi. Kapiteni do të luajë ndeshjen e tij të fundit me ngjyrat verdhekuqe, kundër Parmës, pastaj do të zgjedhë një aventurë të re. Paolo Maldini, me rastin e një eventi futbollistik në “Ara Pacis”, deshi ta komentonte këtë zgjedhje të Daniele De Rossi. Një flamur kuqezi komenton largimin e flamurit të kryeqytetasve nga Serie A: 

"Ca më shpejt ose ca më vonë, gjithmonë mbyllet cikli për një futbollist, por sinqerisht është diçka që më befason. Nuk e prisja, por ai gjithmonë ka qenë një shpirt shumë i pavarur. Ai e di mirë se çfarë bën dhe çfarë dëshiron. Me siguri, është një zgjedhje e dhimbshme, por dashuria e tij për Romën nuk vihet aspak në dyshim. Si lojtar ka qenë gjithmonë një kapiten “de facto”, me personalitet dhe teknikë të madhe. Një nga futbollistët më të admiruar".