Rodri po përgatitet të rikthehet në Etihad të shtunën, për ndeshjen në shtëpi kundër Tottenhamit. Numri 16 i Qytetarëve do të prezantohet në fushë me Topin e Artë dhe tifozët do të kenë mundësinë të festojnë me të, duke shprehur vlerësimin e tyre për këtë arritje të jashtëzakonshme.

Rodri, i cili iu nënshtrua një operacioni për një këputje të ligamentit të kryqëzuar të përparmë të pësuar në barazimin 2-2 kundër Arsenalit në shtator, e ka kaluar periudhën e rikuperimit në Spanjë dhe tani është gati të kthehet ne Angli.

Për të festuar rikthimin e tij, stadiumi dhe City Stores do të ofrojnë printim falas të emrit të Rodrit në bluza, si para fillimit ashtu edhe të dielën. Pikat kryesore të festës do të jenë të disponueshme në të gjitha kanalet zyrtare të Cityt pas ndeshjes.