Kanë qenë emra të ndryshëm trajnerësh që janë marrë në shqyrtim nga Manchester United pas shkarkimit të Ole Gunnar Solskjaer, mes këtyre ka qenë edhe Antonio Conte.

Ish-trajneri i Inter-it, aktualisht te Tottenham, ka qenë i lirë në nëntor të arrinte marrëveshjen me një klub tjetër. Ardhja e Conte-s, fitues i një Premier League me Chelsea, në Old Trafford është marrë seriozisht në konsideratë, me vetë trajnerin që do të kishte pranuar të drejtonte United më shumë se Tottenham sepse i konsideronte Djajtë e Kuq më gati se Spurs për të fituar menjëherë.

Sipas Daily Mail, drejtuesit e Manchester United kanë vendosur të mos e zgjedhin Conte-n për stolin pavarësisht se bëhej fjalë për një trajner të nivelit të lartë.

Arsyeja është shpjeguar kështu: ish-trajneri i Juventus-it është shumë i fiksuar me detajet dhe mund të kishte përmbysur situatën e skuadrës dhe metodat e tij të punës duket se nuk përputhen me filozofinë e klubit të familjes Glazer.

Prej këtu ka ardhur zgjedhja për t’ia besuar stolin një trajneri si Ralf Rangnick dhe jo Conte-s.