Skuadra e Manchester United, që pak ditë më parë fitoi në finalen e FA Cup, ende nuk ka vendosur nëse Erik ten Hag do të vijojë në detyrën e trajnerit. Lajmet nga Anglia janë kontradiktore, pasi disa media thonë se do të largohet e disa të tjera se do të rikonfirmohet në detyrë.

Gjithsesi, me apo pa Ten Hag në stol, klubi ka vendosur që të refuzojë çdo ofertë për katër lojtarë, që konsiderohen të paprekshëm. Ata janë Andre Onana, Alejandro Garnacho, Kobbie Mainoo dhe Rasmus Hujlund. Të katër këta futbollistë do të jenë boshti i ekipit të ri.

Duket se klubi ka mbetur i kënaqur nga paraqitja e ty dhe bëhet fjalë një futbollistë të rinj, që pritet të jenë e ardhmja e klubit. Onana është më i vjetër, por përvoja e tij dhe rritja e nivelit pas një starti jo të mirë kanë bërë që ai të jetë vendimtar me pritjet e tij këtë sezon.

Natyrisht që kësaj liste do t’i shtohen edhe Dalot, Fernandes e ndonjë emër tjetër, por katër “muskëtierët” e mësipërm do të jenë liderët e rinj. Tashmë klubi po mendon se cili trajner do t’i udhëheqë sezonin e ardhshëm, ku pritet një hap më tej në fushë dhe rezultate.