Basketbollisti spanjoll Marc Gasol ka firmosur një kontratë 2-vjeçare me Lakers, skuadër me të cilën më parë ka luajtur edhe vëllai i tij Pau Gasol.
Lojtari vjen nga ekipi kanadez i Toronto dhe do të përfitojë 2.56 milionë dollarë në sezon. Për të siguruar shtatlartin spanjoll, ekipi kalifornian ka shitur JaVale McGee te skuadra e Cleveland Cavaliers.
Marc Gasol, 35 vjeç, ka kaluar pjesën më të gjatë të karrierës së tij në NBA te skuadra e Memphis, por dy vitet e fundit u aktivizua te Toronto, ku dhe u shpall kampion një vit më parë.
