Chelsea mori një barazim ndaj Arsenal në derbin londinez, një rezultat që trajneri italian i “bluve” e konsideron të mirë. Enzo Maresca u shpreh i kënaqur me pikën kundër një pretendenti për titull në Premier League, duke marrë parasysh se ku është në zhvillimin e tij skuadra e tij.

“Absolutisht që më pëlqeu ndeshja, loja e ekipit tim dhe rezultati. Performanca ishte e mirë. Ne i njohim ata mjaft mirë dhe kemi konkurruar mjaft mire me një skuadër që është pretendente për titullin në Angli”, komentoi Maresca.

Më tej, trajneri i Chelsea shtoi: “Performanca është shumë e rëndësishme për ne, në këtë moment të punës tonë dhe mendoj se ajo ishte e mirë. Ne luajtëm ashtu siç donim, të guximshëm dhe të mundoheshim të luanim gjithmonë nga prapa”.

“Kjo është mënyra se si duam t’i bëjmë gjërat. Ne përpiqemi të luajmë ballë për ballë kundër çdo skuadre. Ne jemi Chelsea, kështu që është e rëndësishme të dërgojmë këtë mesazh. Ka menaxherë që kanë qenë në klube për pesë dhe nëntë vjet kështu që ne jemi pas tyre”, tha Maresca.