Presidenti i Interit, Giuseppe Marotta, gjatë fjalës së tij me shtypin në margjinat e prezantimit të çmimit “Nils Liedholm Award”, foli edhe për momentin aktual të zikalterve, duke iu përgjigjur mundësisë që skuadra të vendosë të favorizojë rrugën në UEFA Champions League në vend që të synojnë kampionatin.

“Performancat tona në Champions League më duken shumë të respektueshme. Në kampionat jemi një pikë nga kreu. Edhe vitin e kaluar ne ishim gjuetarë dhe Juventus ishte lepur, tani Napoli është përpara. Ajo që ndryshon në krahasim me vitin e kaluar është se ka një grup të vogël skuadrash që me meritë zënë pozitat e para. Gjithçka është ende shumë larg, ka shumë ndeshje dhe shumë pikë dhe tani për tani është thelbësore të qëndrojmë në krye. Pastaj janari dhe shkurti do të jenë muajt vendimtarë”, filloi ai.

Për klubet që i lanë më shumë përshtypje numri një i Interit, Marotta shtoi se “nëse më duhet të analizoj paraqitjet e jashtëzakonshme, sigurisht Atalanta, Fiorentina dhe Lazio. U bë një kohë e gjatë që ata arritën me meritë në këto nivele”.

Më pas Marotta iu kthye edhe shpërthimit të ashpër të Antonio Contes pas ndeshjes për penalltinë e dhënë për Interin: “Conte është një person inteligjent dhe një komunikues i shkëlqyer. Ai ka qëllimin e tij kur flet. Arbitri ishte shumë afër aksionit, sigurisht që kishte kontakt, këmba ishte lëvizur dhe prandaj ishte penallti. Mendoj se nuk ishte as një episod vendimtar, për fat të keq”.

Marotta vazhdon duke mbrojtur VAR-in, i kritikuar ashpër nga trajneri napolitan në fund të takimit të së dielës në mbrëmje: “Atëherë debati për protokollin VAR është një debat konstruktiv. Me teknologjinë, gabimet janë ulur.”.