“Gudmundsson? Ishte më shumë thashethem mediatik, ne kurrë nuk e shikuam shumë thellë këtë pistë në merkato. Ne bëmë një vëzhgim eksplorues, por kemi në ekip sulmues që na japin garanci të shumta”.

Pak minuta para debutimit të Interit në kampionat, në “Marassi” kundër Genoa (2-2), Beppe Marotta bëri një bilanc të tregut të transfertave. Asnjë interesim për sulmuesin islandez, i cili i është bashkuar tashmë Fiorentinës.

Presidenti zikaltër, në vend të kësaj konfirmon “gjuetinë” për një mbrojtës, siç kërkoi shprehimisht Simone Inzaghi në prag të ndeshjes: “Ne po kërkojmë një profil të ngjashëm me Bisseck, për nga cilësia dhe mosha. Po ndjekim një rrugë shumë të vlefshme, Ausilio dhe Baccin janë shumë të mirë me të rinjtë. Po punojmë pa asnjë ankth, skuadra ekzistuese është shumë e respektueshme”.

Për rivalët e mundshëm: “Ka ende kantiere ndërtimi metaforikisht në progres si Juve dhe Napoli. Milani është tashmë më i konsoliduar, për momentin është më i akredituar, por kanë mbetur edhe 15 ditë dhe operacione të tjera të merkatos mund të kryhen. Nuk mund të jem i saktë, sepse nuk e dimë ende vlerën e kundërshtarëve. Mendoj se grupi i pretendentëve është gjithmonë i njëjtë, do të shtoja Atalantën dhe Romën në këto skuadra”.