Marquinhos, mbrojtësi dhe kapiteni brazilian i PSG, nuk i ka kursyer kritkkat ndaj arbitrit pas humbjes të pësuar në Champions League kundër Bayern Munich.

“Në rastin e golit kam pyetur arbitrin (Kovacs) çfarë po ndodhte sepse një lojtar po bllokonte portierin (Safonov). Nuk po interesohej për topin, portieri nuk mund të bëjë asgjë në këto situata.

“U munduam të largonim topin, por nuk ia dolëm. Vitin e kaluar u dëmtuam në Dortmund nga arbitri, këtë vit ka ndodhur përsëri.

“Nuk na pëlqen të flasim për arbitrin, por na e ka bërë gjithçka më të vështirë. Çdo situatë e dyshimtë ishte në favor të Bayern-it”, ka thënë Marquinhos për Canal +.