Mbappé është rikthyer fuqishëm? E vështirë të thuhet tani për tani, pas asaj që ndoshta ka qenë periudha më e errët e karrierës së tij. Sigurisht që goli i shënuar kundër Atalantës në Champions League i jep pak frymëmarrje situatës përreth francezit, pavarësisht dëmtimit që e detyroi të dalë para kohe nga loja.
Pas ndeshjes, Mbappé duket se ka lëshuar disa mesazhe në rrjetet sociale. Një prej tyre ishte postimi ku shkruan: “Fitore e rëndësishme, bëmë atë që duhej të bënim”. Po ashtu, një postim për të festuar 50 golat e tij në Champions League. Menjëherë pas kësaj “historie”, ai ripostoi një tjetër ku Cristiano Ronaldo e kishte bërë “tag”.
Në foto, CR7 bën një gjest me duart ku bashkon dy gishtat tregues. Në këtë foto, Mbappé, që është një adhurues i madh i Ronaldos, shtoi një “emoji” që tregon heshtjen. Një mesazh enigmatik që vjen në një moment jo të rastësishëm.
