Sulmuesi i Barcelona-s, Robert Lewandowski, ka komentuar kalimin e pritshëm të Kylian Mbappe te Real Madrid sezonin e ardhshëm.

Polaku ka thënë:

“Nuk është akoma zyrtare, por duket se të gjitha rrugët të çojnë aty. Frikë? Jo, natyrisht është një lojtar i jashtëzakonshëm dhe nëse do të shkojë te Real Madrid, do të jetë një skuadër shumë e fortë.

“Megjithatë, ne nuk duhet të na interesojë se sa të fortë janë lojtarët e tyre, nëse jemi një skuadër dhe punojmë bashkë, mund t’i mposhtim.

“Do të duhet të jemi gati që nga ndeshja e parë dhe të përfitojmë nga momentet e para në të cilat do të duhet të përshtaten. Jo për t’i kapur, por për të qenë para tyre. Siç bëmë dy sezone më parë”.