Para fillimit të sezonit, Real Madrid konsiderohej favorit për të mbrojtur titullin në La Liga, veçanërisht pas marrjes së Kylian Mbappe.

Megjithatë, javët e para të kampionatit kanë treguar se Barcelona do të jetë një kandidate e fortë për titullin.

Pavarësisht problemeve jashtë fushës, katalanasit e kanë nisur shumë mirë sezonin duke fituar katër ndeshjet e para të kampionatit.

Real Madrid, nga ana tjetër, kanë marrë dy barazime dhe janë katër pikë larg rivalëve të tyre të përjetshëm.

Trajneri Ancelotti ka pasur vështirësi në gjetjen e një ekuilibri të skuadrës, me Mbappe, Vinicius Junior dhe Rodrygo që nuk kanë shkëlqyer në tri ndeshjet e para.

Megjithatë, Mbappe iu kundërpërgjigj kritikëve duke shënuar një dygolësh kundër Betis-it.

Gjithsesi, mbrojtësi i Barcelona-s, Alejandro Balde, beson se katalanasit duhet të përqendrohen vetëm te skuadra e tyre sesa te rivalët.

“Mbappe është një lojtar shumë i mirë, por ne duhet të përqendrohemi te vetja. Nuk duhet të shikojmë se çfarë bëjnë të tjerët. Futbolli është një lojë 11 kundër 11”, tha Balde për Madrid Universal.