Dinamo kthehet zyrtarisht në Kategorinë Superiore. Ekipi kryeqytetas fitoi 0-2 sot jashtë fushe përballë Vorës, duke siguruar matematikisht rikthimin në elitën e futbollit shqiptar pas 9 viteve në Kategorinë e Parë.
“Blutë” ia dolën sot falë dygolëshit të Moustapha Djidjiwa. Sulmuesi nga Kameruni realizoi golin e parë në minutën e 11-të dhe atë të qetësisë tre minuta përpara fundit të ndeshjes.
47 pikë dhe vendi i parë në grupin A për 18 herë kampionët e Shqipërisë, që sezonin e ardhshëm do të garojnë mes më të mirëve të futbollit shqiptar.
1-1 përfundoi sfida Korabi-Burreli. Ekipi matjan siguroi një pikë të artë në derbi dhe renditet në vend të dytë me një pikë më shumë se skuadra dibrane.
Burreli është një fitore larg sigurimit të vendit të dytë, që do të sillte zhvillimin e ndeshjes “play-off” me ekipin që renditet në vend të dytë në grupin B.