Një mbrëmje për t’u harruar ajo e Milanit të dielën, i cili u ndal në “Artemio Franchi”. Ndeshje ku Fiorentina fitoi 2-1, duke përfituar edhe nga pritjet vendimtare të David De Gea. Portieri spanjoll në fakt neutralizoi dy penallti të goditura nga Theo Hernandez dhe Abraham, duke shpëtuar efektivisht fitoren e çmuar të të tijve.

Te kuqezinjtë, megjithatë, pritej më shumë nga Theo dhe Leao, të cilët, – lexojmë gjithashtu në “Gazzetta dello Sport”, – përjetuan një nga netët më të errëta të këtij fillimi të sezonit. Mbrojtësi francez bëri faullin e penalltisë ndaj Dodos, duke falënderuar Maignan për pritjen e mëvonshme ndaj Kean.

Megjithatë, Theo humbi një mundësi nga 11 metra në fund të pjesës së parë, i hipnotizuar nga De Gea. Me kalimin e kohës, mbrojtësi francez i krahut u përjashtua gjithashtu për protestë ndaj arbitrit, dëshmi e një mbrëmjeje tmerri që mund t’i kushtojë atij edhe dënimin me dy ndeshje nga disiplinori i FIGC.

Sigurisht që nuk shkoi më mirë as për Leao, i cili nuk mundi të kishte fare ndikim pozitiv në këtë ndeshje, duke u larguar nga fusha në pjesën e dytë, pak para se vjollcët të dyfishonin epërsinë.

Portugezi bëri shumë pak në fazën sulmuese, madje nuk arriti të imponohej as në fazën mbrojtëse. Ndaj pushimi (për shkak të ndeshjeve të kombëtareve) vjen si një moment reflektimi për Theo dhe Leao, të thirrur për të udhëhequr Milanin pas angazhimeve me ekipet e tyre kombëtare.