Mbrojtësi i Inter, Alessandro Bastoni, beson se zikaltërit i kanë të gjitha mundësitë që këtë sezon të përsëritin arritjet e një vit më parë. “Ne jemi në rrugën e duhur për të arritur nivelet e vitit të kaluar”, tha mbrojtësi 25-vjeçar Bastroni.

Më tej, ai shton: “Ne kishim humbur kompaktësinë, por gradualisht jemi duke arritur aty ku duam. Ne i marrim të gjitha garat njësoj, pa nënvlerësuar askënd dhe duke dhënë më të mirën në secilën prej tyre”.

Bastoni e njeh mirë trajnerin e Napoli, Antonio Conte, që udhëheqin Serie A. “Ata nuk do të dorëzohen, ndaj ne duhet të jemi gati, për të qëndruar sa më afër në renditje. Ky hendek duhet të mbahet sa më i ulët. Pastaj do të shohim se çfarë do të ndodhë”, shtoi mbrojtësi.

Duke folur për objektivat në Champions League, ai komentoi: “Ka shumë ndeshje dhe trajneri Inzaghi është i mirë në rotacione. Mentaliteti ynë është të bëjmë mirë në të gjitha garat”.