Cristian Zapata ka lajmëruar largimin e tij nga Milan. Zapata do të largohet nga kuqezinjtë kur kontrata e tij të skadojë më 30 qershor teksa Genoa duket destinacioni më i mundshëm.
“Dua të falënderoj klubin që më dha mundësinë të luaj te një prej skuadrave më prestigjioze në botë,” shkruan mbrojtësi në Instagram.
“Dua të falënderoj shokët e ekipit që kam pasur gjatë kësaj periudhe, trajnerët që më kanë ndihmuar të rritem si lojtar dhe si futbollist, të gjithë pjesëtarët e Milanelo-s, miqtë e mi dhe mbi të gjitha, tifozët.
Faleminderit të gjithëve. Ky është një kapitull i karrierës që mbyllet, por që do të mbetet gjithmonë në zemrën time.”
Kolumbiani iu bashkua kuqezinjve në vitin 2012 nga Udinese dhe ka kryer 148 paraqitje.