Martin Zubimendi është një nga lojtarët më të përmendur në La Liga. Performancat e tij te Real Sociedad gjatë sezoneve të fundit kanë qenë mbresëlënëse, ashtu si edhe me kombëtaren spanjolle.
Ai ka tërhequr vëmendjen e disa klubeve big në Europë, të cilat janë Arsenal, Liverpool dhe Barcelona. Problemin më të madh në mesfushë e ka Barcelona, e cila vuan mungesën e një mesfushori tipik para mbrojtjes.
Zubimendi ka 4 gola dhe 1 asist në 44 përballjet e zhvilluara sezonin e kaluar dhe vlerësohet rreth 50 mln euro. Kontrata e tij aktuale skadon në verën e vitit 2027.
Arsenal dhe Liverpool janë të pakënaqur me sjelljen e lojtarit. Ai një herë duket sikur kërkon lëvizjen e shumëpritur në Angli, një herë duket i lumtur në Spanjë. Kjo i ka “tërbuar” anglezët.
