Ndërsa emri i tij u brohorit në “Camp Nou”, në minutën e 10-të të ndeshjes mes Barcelonës dhe Mallorca, ku më vonë u nderuan dy nga miqtë e tij më të mirë, Sergio Busquets dhe Jordi Alba, argjentinasi Leo Messi ishte në stadiumin “Lluís Companys” në Montjuïc.
Messi shkoi në atë që mund të jetë shtëpia e tij e re sezonin e ardhshëm, nëse më në fund përfundon nënshkrimin me Barçën, për të shijuar të fundit nga katër koncertet që Coldplay ka mbajtur në Barcelonë.
I shoqëruar nga bashkëshortja Antonella dhe miku i tij, Cesc Fabregas, mes miqsh të tjerë, Messi ndjeu nga afër dashurinë e të pranishmëve. Kur u zbulua në tribunat e “Lluís Companys”, publiku filloi të këndonte “Messi, Messi”.
Sulmuesi argjentinas u shpall kampion i Ligue 1 të shtunën me PSG-në dhe vetëm 24 orë më vonë ndodhej në Barcelonë, në shtëpinë e tij të dytë. Në fakt, siç e publikon MD, Leo është i ftuar në eventet e lamtumirës që Barça ka organizuar, për të nderuar Sergio Busquets, këtë të mërkurë, më 31 maj, në “Camp Nou”, si dhe të enjten e 1 qershorit në “Auditor 1899” për lamtumirën e Jordi Alba.
Messi en el concierto de Coldplay en Barcelona sjcbajcbsjsj pic.twitter.com/W5mB4fEBSM
— FC Barcelona Argentina (@BarsaARG) May 28, 2023