Lionel Messi vazhdon të shkruajë histori në Kupën e Botës. Me paraqitjen e tij ndaj Kepit të Gjelbër në Botërorin 2026, kapiteni i Argjentinës arriti çmimin e 14-të si “Lojtari i Ndeshjes”, duke thelluar rekordin si futbollisti me më shumë vlerësime të tilla që nga krijimi i këtij çmimi në vitin 2002.

Pas tij renditen Cristiano Ronaldo me 9, Kylian Mbappé me 7, Arjen Robben me 6, ndërsa Luis Suárez dhe Luka Modrić kanë nga 5 secili. Messi vendosi gjithashtu një tjetër rekord mbresëlënës. Në moshën 39 vjeç e 9 ditë, ai u bë futbollisti i dytë më i moshuar që fiton çmimin “Lojtari i Ndeshjes” në një ndeshje me eliminim direkt të Kupës së Botës.

Përpara tij qëndron vetëm Cristiano Ronaldo, i cili e arriti këtë në moshën 41 vjeç e 147 ditë kundër Kroacisë në Botërorin 2026. Një tjetër dëshmi se legjendat si Messi dhe Ronaldo vazhdojnë të bëjnë diferencën në skenën më të madhe të futbollit botëror, pavarësisht moshës.