Siç dihet prej disa kohësh, Milan-Salernitana do të jetë ndeshja e fundit e Stefano Piolit si trajner i kuqezinjve. Ky i fundit, në fakt ka gjetur marrëveshje me Milanin për ndërprerje konsensuale të kontratës së tij, duke përmbushur dëshirën e drejtuesve të “Djallit” për t’i dhënë fund marrëdhënies profesionale. Kjo “martesë” filloi në tetor 2019, duke kulmuar me titullin e vitit 2022, dhe do të përfundojë pikërisht nesër, kundër skuadrës së Campania-s.
Deklarata zyrtare për shtyp pritet nesër në mëngjes, ndoshta para konferencës për shtyp të trajnerit, të paralajmëruar për në orën 14:30, në të cilën sigurisht do të rishikohen pesë vitet në krye të Milanit, duke nënvizuar periudhat e shumta pozitive dhe ato negative; 239 stolat me kuqezinjtë, me 132 fitore, 55 barazime dhe 52 humbje, me titullin e shkëlqyer 2021-2022, fituar në rivalitetin ballë për ballë dhe deri në ditën e fundit me Interin e Simone Inzaghit.
Me ndarjen nga Pioli, ka pasur një kthesë vendimtare nga Milani për Paulo Fonseca, trajneri që largohet nga Lille. Orët e fundit kanë bërë që të shuhen dyshimet e fundit, me ish-lojtarin e Romës që po fiton kështu garën me të gjithë kandidatët e tjerë. Në këtë drejtim, së shpejti pritet një samit me trajnerin dhe përfaqësuesit e tij për të finalizuar detajet përfundimtare në lidhje me kontratën që do ta lidhë atë me Milanin për vitet e ardhshme.
