Milani “stërvitet” para supersfidës ndaj Atalanta-s! Fitore tenistike 6-1 ndaj Sassuolos ne Kupen e Italise ne San Siro. Kuqezinjte u zbavitën dhe edhe pse me shume mungesa nuk kursyen kundershtarin qe po dominon ne Serie B dhe pritet te ngjitet sezonin tjeter ne Serie A.
Ndeshja – Milani e ka nisur shumë fort teksa ndaj Sassuolos në San Siro e ka marrë mjaft seriozisht duke shënuar 4 gola në harkun kohor të 11 minutave duke gjetur fillimisht rrjetën me Chukwueze me super asist nga Reijnders, që më pas me një silurë ka dyfishuar rezultatin.
Sërish Chuwkueze ai që ka gjetur golin e dytë personal dhe Leao do të bëjë poker me asist të Loftus Cheek. Skuadra kuqezi kujtojmë që ka lënë shumë titullarë jashtë mes tyre portierin Maignan, Gabbia, Thiaw, Theo Hernandez, Emerson Royal, Pulisic, Morata, por edhe Musah.
Ne pjesen e dyte, skuadra kuqezi edhe pse hoqi 4 futbollistë, vazhdoi te mbante kemben te gazi duke shenuar me kapitenin Calabria golin e peste. Sassuolo reagoi duke shenuar golin e nderit ndaj portierit te ri dhe adoleshent, Torriani, i hedhur ne fushe nga Fonseca ne pjesen e dyte, teksa Abraham realizoi golin e gjashte per kuqezinjte, duke vulosur keshtu kualifikimin per ne turin tjeter te Kupes.
