Milani fiton por sa vuajtje në Sllovaki, aty ku Slovan Bratislava ka rezistuar dhe madje në fund është rifutur në lojë për të tentuar barazimin ndaj një ekipi, ai kuqezi, shumë i brishtë në mbrojtje dhe me shumë gabime dhe vendosje të shpërqendruara.
Ndeshja zgjidhet në pjesën e dytë me golat e shënuar nga Leao me asist nga Fofana dhe Abraham me dhuratë të Strelec, ndërsa në pjesën eparë kishin shënuar Pulisic për kuqezinjtë dhe armeni Barseghyan. Dy raste të mira për dy ekipet gjithashtu për kokë.
Në pjesën e dytë, Milani shtyu për të arritur avantazhin dhe e bëri me portugezin Leao i hedhur në fushë nga Fonseca, teksa më pas Abraham u duk se mbylli lojërat por një gol i Marcelli me goditje silurë nga distanca bëri që minutat e fundit të ishin drithëruese teksa nga nervozizmi i madh Slovan mbeti edhe me dhjetë futbollistë.
Milani shkon kështu 9 pikë pas 5 ndeshjesh dhe tashmë ka mundësinë që në 3 ndeshjet e fundit të synojë top 8 të renditjes pasi do të luajë ndaj Dinamo Zagreb, Girona dhe Crvena Zvezda.
Fitore e thellë dhe tenistike për Atletico Madrid që i shënon 6 gola Sparta Pragës në Çeki. Një ndeshje me sens unik për ekipin e Simeones, ku Julian Alavarez direkt e hapi sfidën pa 15 minutash dhe Llorente dyfishoi në fundin e pjesës së parë, ndërsa më pas sërish Alvarez shënoi golin e dytë dhe të tretin e tij në Champions këtë edicion.
Griezmann dhe në fund dygolëshi i Correa-s mbyllën këtë fitore. Atletico Madrid shkon gjithashtu 9 pikë sa Milani. Ne fushe ishin te gjithe shqiptarët nga Qazim Laçi dhe Albion Rrahmani dhe Ermal Krasniqi dhe ne pjesen e dyte Indrit Tuci.
