Duket se edhe dhjetori do të jetë me luhatje për Barcelonën, që dje pësoi një humbje zhgënjyese 0-1 në shtëpi ndaj Leganes. Kjo ka bërë që renditja në La Liga të jetë mjaft interesante, me katalanasit dhe Atletico Madrid të kryesojnë me pikë të barabarta, 1 më shumë se Real Madrid.

Mesfushori Pedri ka mbetur i zhgënjyer, duke sqaruar: “Ishte një ndeshje e vështirë. Mendoj se filluam paksa në gjumë këtë sfidë, me atë gol të pësuar që në minutat e para. U përpoqëm të rikuperojmë, krijuam mundësi, por na mungonte energjia për të shkuar përpara dhe për të shënuar gola”.

“Duhet të hyjmë më mirë në lojë, pasi shpesh minuitat e para mund të jenë fatale, siç dhe ndodhi këtë herë. Kur një skuadër si Leganes shënon një gol jashtë fushe, lë shumë njerëz pas dhe mbrohen. Ne duhet të jemi më të qartë para portës nëse duam të fitojmë ndeshje”, shtoi Pedri.

Në fund, mesfushori spanjoll komentoi: “Duhet të përmirësohemi në kampionat, pasi kemi pasur një periudhë negative. Janë shumë ndeshje radhazi që po lëmë pikë, por ky nuk është justifikim. Ne duhet të arrijmë dhe të përfundojmë me të njëjtin besim që kemi në Champions League”.