PSG rikthehet në fushë pas fitores ndaj St-Etienne. Pochettino rikuperon Lionel Messin dhe Leandro Paredes të cilët nuk kishin stërvitur dje. Topi i Artë i freskët do të jetë në qendër të një sulmi, tek i cili megjithatë do të mungojë Neymar i cili do të qëndrojë jashtë me një dëmtim të rëndë për të paktën 2 muaj.

Trajneri argjentinas do të kishte preferuar të kishte në dispozicion edhe Sergio Ramos për udhëtimin në Côte d’Azur, por mbrojtësi spanjoll, i cili ishte rikthyer në fushë pas 6 muajsh për shkak të një dëmtimi, u përjashtua në mënyrë misterioze nga lista e skuadrës së publikuar sot nga klubi parizien..

Mes 22 lojtarëve në listë, në fakt nuk figuron emri i ish-kapitenit te Real Madridit, rikthimi i të cilit në fushë dhe si titullar në ndeshjen e tij të parë franceze kundër St-Etienne, u prit me shumë entuziazëm nga klubi dhe nga vetë Pochettino.

Trajneri argjentinas, megjithatë, kishte dhënë tashmë një të dhënë për këtë çështje Sergio Ramos: “Ai ishte shumë i lumtur. Minutat e fundit te luajtura ishin te vështira – tha trajneri në prag te ndeshjes – Ai ishte më i lodhur se normalisht, duke pasur parasysh ndalesën e gjatë”.

Kjo është arsyeja pse menjëherë u duk e mundur që lojtari të mos merrte pjesë në udhëtimin e PSG-së në Nice.

Në realitet, megjithatë, shumë menduan se të paktën lojtari mund të shkonte në stol, por përkundrazi ai nuk do të jete fare. Fakti është se Pochettino në vend të kësaj mund të buzëqeshë për rikuperimin rrufe të Marco Verrattit pas dëmtimit të herës së fundit.

Mesfushori i kampioneve të Evropës dukej se duhet të qëndrojë jashte për një periudhë më të gjatë kohore por u shfaq në listën e skuadrës të publikuar nga Pochettino. Sergio Ramos mund të dalë në fushë në ndeshjen e së shtunës më 4 dhjetor në Lens për raundin tjetër të kampionatit.