“Moment i mirë”, De Jong: Ja si e befasova Xavi-n

22 Janar 2022
17:33
Denis Hakanaj

Luuk de Jong ka folur AD Sportwereld në lidhje me momentin e tij te Barcelona.

Pas një fillimi të vështirë, sulmuesi holandez po shfaqet i rëndësishëm për Xavi-n dhe ka realizuar disa gola të rëndësishëm:

“Në sport gjithçka varet nga momenti, i shikojmë gjërat nga perspektiva të ndryshme, merremi nga euforia ose përçmimi. Tani reagimet kundrejt meje janë pozitive dhe është shumë bukur”, ka thënë De Jong.

“Mendoj se Xavi është pak i befasuar nga mënyra si jam përshtatur me lojën e tij. Mund të jem edhe një 9 me të cilin mund të bësh trekëndësha dhe të luash nën presionin e një kundërshtari.

“Xavi do që sulmuesi i tij të dijë ta mbajë topin dhe të luajë me mesfushorët. Më thotë gjithmonë që të tërheq mbrojtësit për të krijuar hapësira që mund të shfrytëzohen nga të tjerët”.

 

 

Lajme të tjera

Lajmet e fundit