Atletico Madrid a marrë suksesin e katërt radhazi në ndeshjen hapëse të La Liga-s me një fitore 3-0 në fushën e Getafe-s, duke e zgjatur numrin e ndeshjeve radhazi pa humbje në 22.
Protagonisti absolut i ndeshjes ka qenë Alvaro Morata, i kthyer këtë verë në Madrid pas huazimit tek Juvantus. Sulmuesi spanjoll ka qenë autor i dy golave.
GETAFE-ATLETICO MADRID GOLAT
Ish-ylli i Juventus-it, e ardhmja e të cilit është akoma në dyshim, ka zhbllokuar sfidën në minutën e 15-të dhe ka dyfishuar avantazhin e skuadrës së Simeone-s në të 59-të.
Goli i tretë i miqve është shënuar nga Antoine Griezmann në minutën e 75-të. Protagonisti tjetër i sfidës ka qenë Joao Felix, autor i tre asisteve.
Kjo fitore i pozicionon madrilenët përkohësisht në vendin e dytë të renditjes me diferencë golazh të barabartë me Villarreal-in.