Alvaro Morata do të qëndrojë në Atletico Madrid sezonin e ardhshëm. Është padyshim një nga lajmet më të rëndësishme të merkatos së verës, i konfirmuar nga vetë sulmuesi spanjoll me një postim në rrjetet sociale.

“Nuk mund ta imagjinoj se si duhet të jetë të fitosh me këtë fanellë dhe do ta fitoj. Nuk do të ndaloj derisa të kem sukses”, ishte postimi i sulmuesit 31-vjeçar, duke konfirmuar kështu se do të vijë të luajë për “colchoneros”.

Një deklaratë e qartë dashurie ndaj një skuadre me të cilën nuk ka ngritur ende një trofe. Një shembull unik në një karrierë në të cilën Morata triumfoi me uniformat e Real Madrid, Juventus dhe Chelsea.

Prandaj, sulmuesi spanjoll nuk do të kthehet në Itali apo Angli dhe i ka rezistuar joshjeve të ekipit arab të Al-Qadisiyah, që së fundmi mori edhe spanjollin tjetër Nacho, një mik i ngushtë i Morata.