Mourinho: Nuk e ndryshoj projektin e Romës me askënd tjetër

21 Janar 2022
9:00
Alfred Lleshi

José Mourinho komentoi në mikrofonat e Mediaset për fitoren e Romës ndaj Lecce në Kupën e Italisë, e cila erdhi me disa vuajtje të tepërta, sidomos në pjesën e parë: “Skuadra ka limitet  e saj dhe ne i dimë ato. Maitland-Niles dhe Oliveira kanë dhënë më shumë opsione dhe ky është tashmë një përmirësim. Projekti ynë, megjithatë, vazhdon hap pas hapi”.

Kundërshtari i radhës i verdhekuqve në kupë do të jetë Interi, një kundërshtar i cilësuar nga portugezët si më i miri në garë: “Ka ende shumë ndeshje. Interi ka skuadrën më të fortë në Serie A, ne kemi ndeshjen më të vështirë. Sidoqoftë, do të shkojmë atje për t’i surprizuar”.

Ka hapësirë ​​për bilancin e parë të gjashtë muajve të tij në stolin e Romës, me një siguri për qëndrimin aty: “Nga pikëpamja e dashurisë dhe ndjeshmërisë, si votë jap 11. Njerëzit më besojnë dhe nuk mund të isha më i lumtur se jam këtu.

Nga pikëpamja e futbollit, të luash për të përfunduar në vendin e katërt nuk është ajo që dua. Megjithatë, është vetëm një moment, sezonin e ardhshëm do të përmirësohemi. Këtë projekt nuk do ta ndërroja me askënd tjetër, nuk do të largohem për tri vite”.

Lajme të tjera

Lajmet e fundit