Në prag të ndeshjes që do të luhet sot në “Anfield”, ku do të përballen Liverpool dhe Real Madrid, ka folur për mediat mesfushori anglez Jude Bellingham. “Ata  janë të parët në Premier League dhe Champions League, janë një ekip i mirë”, tha anglezi.

“Liverpool është ngritur në nivel dhe sot do të jetë një test i shkëlqyer për ne. Ka besim të madh në dhomën e zhveshjes dhe unë besoj në këtë grup. Nuk kam dyshim se çdo lojtar që del në fushë do të jetë në gjendje të ndikojë në ndeshje”, tha Bellingham.

Më pas, ai flet për ndryshimin e rolit që erdhi këtë vit me kalimin nga mesfushor sulmues në mesfushor: “Ishte një ndryshim si çdo tjetër. Kur ka nënshkrime të reja dinamika e lojës ndryshon, por unë kam gjithmonë treguar se jam në gjendje të luaj në role të shumta dhe unë nuk ndihem i kushtëzuar nga kjo lloj gjëje”.

“Kam përgjegjësinë për të maksimizuar performancën time. Mbappe? Ai po bën shumë mirë dhe kontributi i tij ka qenë shumë pozitiv. Jam i bindur se me kalimin e kohës ai do të luajë edhe më mirë“, shtoi Bellingham, që pranoi se mungesa e Vinicus është e rëndësishme.

“Vini është një nga lojtarët më të mirë në botë, ndoshta më i miri. Është një humbje e rëndësishme, por kam besim të plotë se pjesa tjetër e ekipit mund ta zëvendësojë atë. Është përgjegjësia jonë ndaj secilit prej nesh, edhe me mungesën e tij”, tha Bellingham.