Edhe pse është përfolur shumë gjithë këtë kohë për një rinovim të mundshëm të kontratës së Christian Pulisic me Milanin, deri tani ende nuk ka ndodhur gjë.
Kontrata e amerikanit me kuqezinjtë skadon në qershor të vitit 2027. Në këtë situatë, interesi ndaj tij është shumë i madh.
“CalcioMercato.it” zbulon se Manchester United, Arsenal dhe Tottenham, duan rikthimin e sulmuesit anësor në Premier League dhe janë të gatshme të paguajnë vlerën e kartonit të tij që është rreth 55 milionë euro.
Nga njëra anë, Pulisic është shumë i rëndësishëm për Milanin dhe sistemin e Max Allegri-t, por nuk përjashtohet mundësia e largimit të tij në verë. Pasi me paratë e përfituar nga shitja e Pulisic, Milan mund të bëjë përforcimet e kërkuara gjatë verës së ardhshme.
