“Kam pasur shumë trajnerë të nivelit të lartë dhe Nagelsmann është sigurisht në tre të parët”. Këto kanë qenë fjalët e Kimmich nga grumbullimi i Gjermanisë. Një certifikatë e vërtetë nderimi për një lojtar që ka pasur shumë trajnerë të nivelit të lartë.
“Mund të them vetëm se ai është një trajner i jashtëzakonshëm. Por nuk mund të komentoj gjendjen aktuale”, ka shtuar kampioni i bavarezëve dhe i kombëtares gjermane.
Një vendim që ka lënë pa fjalë shumë njerëz, duke pasur parasysh situatën aktuale të Bayern Munich, akoma në lojë për të fituar çdo trofe të sezonit. Pasardhësi do të jetë Tuchel, një tjetër trajner me emër gjigant, tashmë një zakon për Joshua-n.
Çdo futbollist do të donte të ishte në vendin e tij. Të rritesh me mësues është një privilegj. Kimmich ka pasur disa. Marrëdhënia e tij me trajnerët ka qenë gjithmonë e shkëlqyer. Lojtar model dhe mbi të gjitha i dobishëm për fleksibilitetin e tij.
Pas hapave të parë me Leipzig-un dhe ekipeve të moshave të Sttutgart-in, Bayern-i nuk mendoi më shumë se dy herë për t’i ofruar atij një kontratë. Largpamësia ka qenë gjithmonë një aftësi e madhe e klubit gjerman. Me bavarezët fitoi si protagonist. Sigurisht, kalimi te Bayern Munich dhe takimi me Guardiola-n është sigurisht një avantazh i madh.
Me Pep ai u përmirësua teknikisht dhe mësoi të mbulonte fushën në një mënyrë tjetër. Jo vetëm si mbrojtës i krahut, por edhe si mbrojtës. Në atë vit pati shumë të dëmtuar dhe gjermani zgjodhi djalin e ri për ta aktivizuar në krah të Alaba-s.
Performanca e tij fillimisht nuk ishte e mirë. Trajneri e mbronte gjithmonë: “Ai është pothuajse djali im”, ka thënë me shaka. Më pas Kimmich u konfirmuar duke bërë disa hapa përpara në fushë, edhe pse me Ancelotti-n ai pothuajse gjithmonë mbulonte rolin e mbrojtësit të krahut. Me italianin u rrit mendërisht, derisa u bë pika referimi që është tani.
“Por është me Flick që ai ngriti Champions-in e parë në karrierën e tij. Pa harruar vitin e Heynckes dhe Low që i dha atij edhe shiritin e kapitenit me Gjermaninë. Ndër të gjitha këto, Nagelsmann sigurisht që është në podium, por kush qëndron jashtë?
