Johan Neeskens, legjendë e Ajax-it dhe Holandës së “futbollit total”, u nda sot nga jeta në moshën 73-vjeçare. Federata Holandeze KNVB bëri të ditur lajmin: “Me pikëllim të madh KNVB mësoi për vdekjen e papritur të Johan Neeskens. Johan ishte një nga më të mëdhenjtë tanë. Do të na mungojë pa masë”, u transmetua mesazhi përmes kanaleve zyrtare.
Duke vazhduar me ngushëllimet, ne postim shkruhet gjithashtu: “Johani ishte në Algjeri për projektin e KNVB-së WorldCoaches. Fjalët na mungojnë për këtë humbje të madhe dhe të papritur. Mendimet tona shkojnë te gruaja e tij Marlis, fëmijët e tij, familjen dhe miqtë e tij. Bota jo vetëm që i thotë lamtumirë një sportisti te talentuar, por mbi të gjitha për një qenie njerëzore të përkushtuar, të pasionuar dhe të mrekullueshme”.
Për lidhjen e tij me botën e futbollit: “Si lojtar, Johan Neeskens ka qenë aktiv me Ajax, Barcelonën dhe klube në Shtetet e Bashkuara të Amerikës. Ai e mbylli karrierën e tij në Zvicër, ku jetoi pjesën më të madhe te jetes deri më sot. Ai gjithashtu ka udhëtuar botën si trajner: Zvicër, Australi, Spanjë, Holandë, Turqi dhe Afrikën e Jugut”, thotë Federata Holandeze e Futbollit.
Një kujtim i lojtarit që ai ishte: “Ai bëri 49 paraqitje për ekipin kombëtar holandez. Në mesfushë ai ishte një forcë e vërtetë lëvizëse. Luajti thuajse çdo ndeshje, nuk u dorëzua kurrë, mbuloi të gjithë fushën, shpesh zhytej në zonën e rreptesise dhe shënonte rregullisht në Amsterdam, Barcelonë, Nju Jork dhe në pjesën tjetër të botës dhe mbi të gjitha ishte krenari që kaveshur fanellën portokalli për 11 vjet.”
Edhe Barcelona iu bashkua ngushëllimeve për Johan Neeskens, sulmuesin legjendar holandez i cili gjithashtu kishte veshur fanellën e Blaugranës në karrierën e tij: “FC Barcelona është thellësisht e pikëlluar nga vdekja e Johan Neeskens. Një legjendë e Barcelonës që do të jetë gjithmonë në kujtesën tonë. Pusho në paqe.”
Edhe trajneri i kombëtares Ronald Koeman foli për zhdukjen e Neeskens: “Jam i shokuar. I tronditur nga lajmet e këqija. Johan ka punuar për Federaten Holandeze. Unë kam një të kaluar me të si fëmijë. Ishte idhull i madh”.
