Atletico Madrid do të luajë sot në mbrëmje ndaj Slovan Bratislava në Champions League dhe një sukses para publikut do ta katapultonte ekipin e trajnerit Diego Simeone mes ekipeve më të mira. Gjithsesi, trajneri argjentinas beson se nuk ka për të qenë aspak e lehtë.

Ai komentoi golat e shënuar nga skuadra e tij në fazën finale të ndeshjes: “Është një mënyrë pune dhe stërvitje e madhe në gjithë këtë kohë. Në këtë periudhë të sezonit fati ka qenë në anën tonë, por mund të ishte edhe kundër nesh”.

“Për pasojë, fitorja në Pragë dhe rëndësia e golave aty është shumë e rëndësishme për ne, për vijueshmërinë tonë në Champions. Duhet të luajmë një lojë inteligjente dhe të sillemi në përputhje me rrethanat”, tha Simeone.

“Ne gjithmonë i shikojmë të gjitha ndeshjet dhe përpiqemi të imagjinojmë se çfarë është më e mira për të fituar. Të gjitha skuadrat bëjnë gabime, por duhet të provokohen dhe kështu lindin situatat para portës”, shtoi trajneri i “colchoneros”.

“Ky është Champions League, ku nuk ka favoritë në këtë fazë. Të gjithë duan të fitojnë, ndaj shpresojmë të bëjmë një ndeshje të mirë dhe të vazhdojmë të ruajmë këtë ritëm sa më gjatë”, tha Diego Simeone.