Champions League rezervon sot një përballje interesante mes Inter dhe Arsenal. Në prag të kësaj sfide ka folur mbrojtësi interist Matteo Darmian: “Do të jetë një ndeshje e vështirë, por ne duam të marrim tre pikët. Në fund, fusha do të tregojë se ku mund të shkojmë”.

“Ne do të përpiqemi të luajmë lojën tonë duke marrë parasysh cilësitë dhe karakteristikat e Arsenal. Ne i dimë cilësitë e të gjithë lojtarëve të tyre sulmues, ndaj duhet të mbrohemi sa më mirë si ekip dhe të bëjmë më të mirën për t’i vënë ata në vështirësi“, tha më tej Darmian.

“Jemi të fokusuar tek e sotmja dhje më pas do të mendojmë për ndeshjen kundër Napoli. Duhet të futemi në fushë me vendosmëri, do të duhet shumë punë në nivel mbrojtës dhe sulmues. Në kampionat kemi lënë disa pikë por jemi aty dhe duam të vazhdojmë një rrugë rritjeje që ka nisur vite më parë dhe po vazhdon edhe sot”, tha Darmian

Në fund, ai shtoi: “Do të jemi apo jo favorit do ta tregojë fush, por ne do të bëjmë çmos që sjellim pikë dhe fitore. Përballemi me një skuadër të fortë, cilësore me lojë të shkëlqyer por edhe ne jemi një ekip i fortë dhe duam ta demonstrojmë me një fitore që do të na ndihmojë në rrugëtimin tonë”.