Spanja fitoi Euro 2024 pas fitores 2-1 ndaj Anglisë në finalen e luajtur në Berlin. Njeriu që i dha fitoren skuadrës iberike ishte Mikel Oyarzabal, që realizoi golin e fitores në minutën e 86-të të ndeshjes.
Duke folur sot për RTVE, ai u shpreh i kënaqur si për golin ashtu dhe për fitoren. “Unë bëra detyrën time dhe pata fatin të shënoja golin e fitores. Nëse jeni mjaftueshëm me fat për të shënuar një goli të tillë mendoj se është gjëja më e mirë”, tha Oyarzabal.
“E kam pasur të vështirë rikthimin pas dëmtimit, kështu që ky gëzim është i veçantë pas gjithçkaje që kam kaluar. Në kombëtare kishin shënuar thuajse të gjithë, ndaj mbrëmë ishte radha ime dhe ia dola mbanë. Kjo fitore ishte për të gjithë”, tha Oyarzabal.
