Juventusi është në kërkim të mbrojtësve në merkaton e janarit, por i duhen edhe fitime nga shitjet që të ketë kapitalin e nevojshëm për ndërhyrje.
Sipas Gazzetta dello Sport, klubi bardhezi është pritje të ofertave nga klubet angleze për dy lojtarë të cilët kushtojnë shumë në tregun europian.
Ata janë Nicolò Fagioli dhe Douglas Luiz. Drejtori Cristiano Giuntoli ka folur me dy klube deri tani për shitjet e tyre të mundshme, Manchester United dhe Manchester City.
Drejtuesit bardhezinj këto ditë ishin në Angli për ndeshjen e Champions League kundër Aston Villa dhe kishin mundësi për të zhvilluar këto takime të rëndësishme.
