Sezoni i kaluar ishte një tjetër sezon i pasuksesshëm për Harry Kane, i cili, megjithatë, kishte të paktën një kënaqësi personale: Fitoren e Këpucës së Artë, e destinuar për golashënuesin më të mirë të të gjitha kampionateve europiane.
Sulmuesi anglez i Bayern Munich shënoi 36 gola në 32 ndeshje të Bundesligës, duke i paraprirë kështu Serhou Guirassy (Stuttgart, tani te Borussia Dortmund), Kylian Mbappé (PSG, tani në Real Madrid) dhe Erling Haaland (Manchester City).
Një çmim praktikisht asnjëherë në diskutim, pasi ish-lojtari i Tottenham kishte ndarë tashmë rivalët e tij në raundin e parë, duke arritur në total 72 pikë, 16 më shumë se Guirassy dhe 18 më shumë se Mbappé e Haaland, të cilët përfunduan të barabartë për vendin e tretë.
Kjo, pa llogaritur golat e shënuar nga Kane në kompeticionet e tjera: Tetë në 12 ndeshje të Champions League. Në total janë 44 gola në 45 ndeshje të luajtura. Shifra të mëdha, të cilat padyshim janë në kontrast me paraqitjet e tmerrshme të ofruara nga Bayern vitin e kaluar.
“Transferimi te Bayern ishte një nga vendimet më të mira që kam marrë në jetën time dhe po e shijoj çdo moment. Është një ndjenjë fantastike. Mund të falënderoj vetëm klubin dhe shokët e mi”, tha Harry Kane.
“Çmimi është për të gjithë, pa ju nuk do të isha këtu sot. Ndihem shumë mirë dhe mezi e kam pritur fillimin e sezonit të ri. Ndjej një energji të re dhe shpresoj ta ndihmoj klubin për arritjen e objektivave”, u shpreh Kane.
